Fe'auhi 'Akapulu Tautau Toko 7 'a Kolomotu'a 26 - 28 Sanuali ^Featured

'Oku 'uhinga pe 'eni koe mahino 'e kei 'ataa pe 'a Teufaiva kiai pea mo e fiema'u ke fai ha ngaue ki he mala'e ke maau malie ki he fe'auhi fakataha mo e mahu'inga ke mateuteu ange e ngaahi timi ki he fe'auhi.

Ko e ngaahi kalasi 'e 3 'o Kalasi 1 mo Kalasi 2 (Tangata) 'o tau'aki timi 'e 16 pea timi pe 'e 8 ki he fe'auhi fefine. Ko e fe'auhi pa'anga lahi taha 'eni he 7s ke fai 'i Tonga ni pea mo e fuofua fe'auhi 'a e kakai fefine ke fakahoko.

Ko e ng pale 'oku 'osi mahino koe pale 1 ki he Div. 1 ($6000), Div 2 ($3500) pea $2000 e kakai fefine. 'Oku fakakatoa e ngaahi pale ke 'ova he $50000 tupu pea mei he ngaahi 'ofa 'a e kau pisinisi poupou mo mateaki'i e ng taleniti 'akapulu hotau ki'i fonua ni.

Kuo tukupaa e Polynesian Shipping Line 'a Salote Cocker mo Pasi Tui'ile'ila ke fakapa'anga e pale 1 ki he ongo kalasi tangata 'aki 'a e $9500 pea foaki 'e Vaha Maluu mo e Dominion Insurance e $3000 ki he fe'auhi 'a e kakai fefine.

Ko e lesisita 'e 'osi ki he 'aho 20 'o Sanuali ni 'o $500 ki he Kalasi 1, $300 ki he Kalasi 2 pea $100 leva ki he ngaahi timi fefine 'o fakahoko pe ki he 'ofisi e Puloka Construction. 'E toki fakahoko e fakataha mo e kau fakafofonga e ngaahi kalapu 'o fakamahino 'a e ngaahi tu'utu'uni 'e ngaue'aki ki he Fe'auhi pea pehee ki he ngaahi pools mo e draws hili 'a e maau malie mai e lesisita.

Ko e taha e me'a fakafiefia ko e mahino 'e filifili e timi fakafonua ki Hong Kong 'a Tonga mei he Kolomotu'a 7s 'o e ta'u ni.

Ko e Komiti 'oku nau tokanga'i mo fakalele 'a e fe'auhi Kolomotu'a 7s:

Sea - Tevita Puloka,

Tokoni/'Ofisa Fetu'utaki - Mosese Manuofetoa,

Sekelitali - 'Eva Mafi pea

Tauhi Pa'anga - Metai Vea

 Memipa he Komiti 'a 'Aisea 'Aholelei, Sio Tu'iano ('Ofisa Kolo), Vaka Malamala, Maka Kefu, Kutusi Fielea, Nasili Likiliki.

Malo 'Aupito,
Mosese Manuofetoa ('Ofisa Fetu'utaki) (#7717155)