Ola lelei Sipoti hono 92 Ngaahi Kolisi Featured
Nuku'alofa, 30 ‘Epeleli 2016. Na’e lava lelei atu ‘aneafi ‘a e Sipoti hono 92 ‘a e Ngaahi Kolisi ‘o Tonga ni hili ia hano fakahoko ‘aho 4 ‘i Pa’ake Teufaiva.
Na'e kau mai foki kiai mo e ngaahi Kolisi mei tahi ‘o hange koe Kolisi Kelana mei Vava’u, Kolisi Tupouto’a mei Ha’apai pehe ki he Ngaahi 'o Kolisi Ha’apai.
Ko e sipoti fakafiefia ‘eni pea na’e lahi moe ngaahi lekooti na’e mamau’i kae pehe ki hono fakahā ‘a e ngaahi taleniti ‘oku ‘i ai ‘a e ‘amanaki lelei kiai ‘i he Kaha’u. 'Oku 'i ai foki mo e 'amanaki lelei ki ha fanau kenau fakafofonga'i 'a e Fonua ki he teuteu 'o e Sipoti Pasifiki 'a ia 'oku hanganaki fakahoko mai ki Tonga ni 'i he 2019.
Na'e tu'uki mu'a 'a e Kolisi ko Tupou 'aki 'a e Metali koula 'e 39, Koula 'e 29 'a e Tupou High School, Koula 'e 23 Kolisi Kuini Salote, Koula 'e 17 'a e Tonga High School, Koula 'e 10 'a e Kolisi Tonga, Taki Koula 'e 8 'a e Kolisi 'Apifo'ou mo e Kolisi Kelana pea hokohoko hifo ai ki he toenga 'o e ngaahi Kolisi.
Ko e Fakaafe Fakalangilangi 'o e 'aho faka'osi 'o e Sipoti ko e 'Eiki Minista ki he Ngaahi Pisinisi 'a e Pule'anga Hon. Poasi Tei pea n'a ne fakamamafa'i 'a e mahu'inga ke patoloaki 'a e taleniti 'o e fanau sipoti kae tumu'aki'aki 'a e melino.
