Lava kakato taimi ngāue Tu’i Fakamaau Lahi Owen Paulsen ma’a Tonga Featured
Tu’i Fakamaau Lahi Malōlō ‘a Tonga Owen Paulsen
29 July, 2019. Kuo lava kakato ‘a e taimi ngāue ‘o e tangata'eiki Nu’usila ko Owen Paulsen ‘a ia na’a ne hoko koe Tu’i Fakamaau Lahi, Palesiteni ‘i he Fakamaau’anga Tangi mo e Fakamaau’anga Kelekele ‘i he fonua talu mei he ta’u 2015.
Na’e fili foki ‘a e Tu’i Fakamaau Lahi Malōlō ‘a Tonga Owen Paulsen ki he lakanga ni ‘i he ta’u ‘e 4 talu mei he ta'u 2015 pea koe kakato ‘aki ‘eni ‘ene aleapau ngāue pea pau ai ke foki ai ki Nu’usila ko e ‘uhi koe lakanga faka-Fakamaau fo’ou kuo toe ui ia kiai.
Ko Paulsen foki mei he motu Saute ‘o Nu’usila mei he vahenga Christchurch pea ko’ene foki ko’eni ki Nu’usila kuo fokotu’u ia ki he lakanga Fakamaau (Associate Judge) ‘i he Fakamaau’anga Lahi (High Court) ‘a Nu’usila.
Na'e ma’u foki hono faka’ilonga LLB mei he ‘Univesiti ‘o Canterbury ‘i he ta’u 1986 pea ne kamata ngāue fakalao ai pe ‘i he ngaahi kautaha lao 'iloa kehekehe ‘i Christchurch ‘o kau ki ai ‘a e Harman & Co mo e Cavell Leitch Law.
Na’e toe ma’u foki mo hono faka’ilonga LLM (Hons) mei he ‘Univesiti ‘o ‘Aokalani ‘i he ta’u 2001 pea fokotu'u ia ki he lakanga Fakamaau 'i Nu'usila kimu'a pea toki ui ia ki Tonga ni.
Lolotonga ‘a e fai fatongia ‘a Paulsen ki he fonua na’a ne hoko ai koe fale’i ki he Fakataha Tokoni ‘a ‘Ene ‘Afio tautautefito ki he ngaahi kaveinga fekau’aki mo e kelekele.
Na'e 'iloa 'a Paulsen 'i he vaha'a taimi na'e fakahoko fatongia ai 'i Tonga ni 'i he tātātaha ke toe liliu 'ene ngaahi tu'utu'uni 'e he Fakamaau'anga Tangi.
1 comment
-
Sione A. Mokofisi,
I have been out of touch with the Tongan culture, current events, political race and struggle since I left in 1981. I closed that door shut and never look back again until past January. I discovered Tonga again thru’ groups in Facebook. So, here I am, reading anything Tongan I get my hands on.
Tupou I, is my hero. If he is here today, I believe he will support me.
When I become the PM, I will not ask, not begging but demand the capital punishment. I’ll deal with the Privy Council in this matter. Since I do not believe in superstition, I will take responsibility for it. I will demand public execution by firing squad and bury all of them at Malinoa. I will exile all the drug dealers to the same island to fetch for themselves. That is my vision to restore the peace. I will tell the commonwealth to take a hike with their civilize ideology.
Nepituno,
Thank for this article. Now I know a little bit about Mr. Paulsen. He came to Tonga to be the judge and left after completed his term in good standing. I have not read his court cases but that is another story.
The PTOA light up FB comments indicated, the Privy Council kicked Paulsen out. Just like everything PTOA does, either fake, wrong or dishonest even in broad day light.