Lotu fakafeta’i faka’ilonga’i ‘a e ‘aho fakahifo Tama Tu'i Tupou VI ^Featured

Lolotonga ‘a e ouau lotu fakafeta’í na’e fakahoko ai ‘e he Sekelitali Lahi ‘o e Siasi Uesiliana Tau’ataina ‘o Tongá Faifekau Tēvita Havea ha pōpōaki talamonü ki he Hau ‘o Tongá.

“Malo e ‘ofa ‘a e ‘Otuá ke fakaai e ngaahi fiema’u ‘a e mo’uí ke ne fakakoloa koe ‘i he ta’u mo e ta’u ‘o fakatahataha mai ai ho kakaí ‘a e pule’angá pea mo e fonuá, ‘a e lotú mo e ngaahi kaunga’apí kemau kau fakataha ‘i he talamonü fiefia ko e onongofulu ta’u ‘o e ‘Afioná mo ‘emau talamonü ‘ofeina. Ko e Tu’í, ko e lakanga matu’aki mafatukituki hono me’a kotoa ‘i he fonuá pea ki hono kakai.”

“Tu’u ai ‘a ‘emau ‘ofeina ‘a e ‘Afioná, taumaiā ‘e toe toko ua ha tu’i ki he fonuá, ‘ikai, ‘āsili ‘ene mafatukitukí ko ho’o fai tokotaha ‘a e Tu’í ma’a Tonga.

“Fakafeta’i pē, ‘oku mau tui ‘oku fai kaukaua pē ‘a ho’o tu’í mo ho’o pulé ko e kau mo e ‘Otuá pea ko e talamonü fakafeta’i ia, kei tu’uholoaki e fu’u tukufakaholó. Tukufakaholo monu’ia ‘a Tongá ‘i hono tuku ki langi ‘e Tupou I, ko e koloa ko iá ‘oku kei mahu tafea ai ‘a ho’o pulé ‘e Ono’i Kuonga kuo tau hokosia ki aí.”

Na’a ne fakahä foki ko e tukufakaholo faka’otuá ‘a hono fakaafe’i ‘a e ‘Otuá ke kau mo e Fale ‘o Tupoú mo Ha’a Moheofo, te’eki ke liua hano konga si’i ‘o e kaukaua ‘a e kau mo e ‘Otuá.

“Mau talamonü atu ki ho falé ke kei ma’ui’ui ‘a e kelesi mo e tāpuaki fakalangí, ke to’ulu ai ‘a e monu’ia ki ho fonuá mo ho kakaí pea ke kaukaua ai pē ‘a e tui ‘Otuá ‘i he fonuá ‘o lau’ikuonga.”

Na’e me’a ‘i he polokalama ni ‘a e Fale ‘o e Tu’í, Fale’alό, Tu’i Maulí, ‘Eiki Palēmiá, Hou’eiki Nōpelé, kau Minisitá, kau fakaafe mei muli mo Tonga ni foki.

Hili ‘a e ouau lotu fakafeta’í, na’e hoko atu leva ki ha ha’elé ki he polokalama taumafa ho’atā ‘i he Fale Fakataha’anga Fa’onelua.

- MEIDECC