Fakanofo faka'ofisiale 'e he Tama Tu'i Hon. Hu'akavameiliku ki he lakanga Palemia Featured
Tama Tu'i Tupou VI mo e 'Eiki Palemia Hon. Hu'akavameiliku.
28 Tisema, 2021. Kuo kakato he 'aho ni 'a hono Fakanofo faka-'ofisiale 'o Hon. Hu'akavameiliku ki he lakanga Palemia 'e He'ene 'Afio Tupou VI.
Ko e kakato ia 'a e halafanonga kuo tu'utu'uni 'e he Konisitutone 'o Tonga ki hano fili 'oha Palemia talu mei he kakato 'a e fili Fale Alea 'a e fonua 'i he 'aho 18 'o Novema, 2021.
'Oku 'i he 'Eiki Palemia leva Hon. Hu'akavameiliku ke fakakakto hono fokotu'u atu 'ene Kapineti ke fakanofo faka-'ofisiale mai 'e He'ene 'Afio 'o hange koe founga anga maheni.
Ko hono faka-'ofisiale ko'eni hono fakanofo 'o Hon. Hu'akavameiliku ki he lakanga taki 'o e fonua 'oku ngata ai pe 'i he taimi tatau 'a e Pule'anga le'ole'o fakataimi na'e Palemia ai 'a Dr. Pohiva Tu'i'onetoa.
'Oku 'oatu ai pe mo e talamonuu 'a e ongoongo ni kia Hon. Hu'akavameiliku mo e fatongia mamafa 'oku tuku falala atu kiai 'a e fonua mo e kakai pea 'ofa ke kau mai 'a Sihova he to'ofohe ma'a Tonga.
