Fakanofo Losaline Ma'asi ki he lakanga Minisitā ki he Ngaahi Ngāue Fakalotofonua Featured
Losaline Ma'asi
5 Mē, 2018. Kuo tukuange mai 'e he ongoongo 'a e Kaniva Tonga 'a hono tali 'e he Palēmia ke fakanofo 'o Losaline Ma'asi ki he lakanga Minisitā ki he Ngaahi Ngāue Fakalotofonua.
Ko Losaline Ma'asi foki koe Fakafofonga Fale Alea ia 'o e Vahenga Tongatapu 5 pea ko hono tali 'eni ke fakanofo kene fetongi 'a 'Akosita Lavulavu 'a ia na'e tu'utu'uni 'e he Palēmia ke fakafisi mei hono lakanga faka-Minisitā 'i he mahina ko Ma'asi 'o e ta'u ni.
'Oku 'ikai sola 'a e tokolahi kia Losaline Ma'asi he na'e ngāue faka-Pule'anga 'i he ta'u lahi pea na'a ne a'u ki he tu'unga koe CEO ia 'a e Potungāue Ngoue ki mu'a pea ne malōlō mei he ngaue faka-Pule'anga.
Ko hono tali ko'eni ke fakanofo 'a Losaline Ma'asi kuo pau ke hoko atu ki hono fokotu'u ki He'ene 'Afio 'e he Palēmia 'o fakatatau mo e Konisitūtone 'o Tonga.
3 comments
-
Hange koe lau 'ae palangi, "Silence means 'agree'". 'Io, 'ikai 'aonga e faka'alinga lelei mai kae 'ikai afe mei he kovi 'o fakatatau moe lau 'a e Tohi "Ko e manavahe kia Sihova koe poto ia, ko e afe mei he kovi ko e 'ilo ia". Pulia mo'oni pe poto ia moe 'ilo mei he kau pitoa.
Fakafeta'i kuo ma'u 'e Mele ia mo Mapa e 'ilo pea na afe kei taimi. -
Pehe ni eau ko e ai mai e ongoongo kuo ma'u mai hano tohi fakanofo mei he King.
-
'IO, KA KO E MEMIPA PTOA 'OKU POUPOU 'AKI 'ENE FAKALONGOLONGO 'I HE SIO TOTONU KI HE FAIHALA 'A E PM MO E KAPINETI...Ko e fakalongolongo mo e sio-kehe 'oku tatau tofu pe mo e faka-tonuhia'i (condone) 'a e faihala (corruption). Faka-langilangi'i mai e fefine MP mo e ngaue ta'u lahi 'i Pule'anga, kae humai pe 'o ma'u faingamalie tatau mo e kau PTOA 'i he Kapineti pea fakalongolongo aipe. Ta 'oku 'ikai ha faikehekehe mo e matu'a tangata 'i he poupou'i e faihala mo e taki hala'i 'o e kakai.