Fakama’ala’ala ‘a e ‘Eiki Minisitä Pa’angá ki he Patiseti 2020/2021 Featured
Minisita Pa'anga Hon. Tevita Lavemaau
19 Më, 2020. ‘I he hili hono fakahü atu mo fakamatala’i ‘o e patiseti 2020/2021 ‘e he ‘Eiki Minisitä Pa’angá, Hon Tevita Lavemaau ki he Fale Alea ‘o Tongá, na’e hoko atu aipe ki he’ene fakama’ala’ala ‘a e patisetí ki he ngaahi kautaha ongoongo he efiafi ‘aneafí ‘i he Saint George Palace.
Na’e fakahā ai ‘e Hon Lavemaau, “ko e fakafuofua ki he holo faka’ekonomika ‘i he ta’u ngäue 2021 ko e negative 5 mo e poini. ‘A ia ‘oku ‘asi mai e lavea lahi ‘a e tu’unga ‘a e fonuá, tautautefito eni ki he ngaahi Sekitoa Takimamatá pea mo e talitali kakaí, hili koia hono tapuni ‘o e ngaahi kau’äfonua. ‘Ikai ke toe fai ha fefolau’aki pea tu’u ai e pa’anga ‘oku hü mai mo tafe mai ki he ngaahi sekitoa ko ení, ko e hotelé, ngaahi resort pehé ki he ngaahi falekaí mo e ngaahi me’a pehé.”
Na’á ne pehé ‘oku uesia foki mo e Sekitoa ki he Ngoué mo e Toutaí fakatatau ki he faingata’a ‘a hono hü atu koiá ‘o ha koloa ki tu’apule’anga ‘i he taimí ni.
“Pea ko e fakafuofua mo e ‘ikai ke mahino pau ‘a e hala fononga e COVID, he ‘oku te’eki ke ma’u foki hano faito’o, ngalingali tetau fononga mo ia ‘i he ‘uluaki mahina ‘e 6 ‘o e ta’u fakapa’anga ko ení pea mei Siulai ki Tisema.”
“Ko e talafi pa’anga ‘oku hoko ia ko e konga lahi ia ‘o ‘etau pa’anga fakatupu fakalotofonua, ‘a ia ‘oku fakafuofua ko e peseti ‘e 34%. Ko e uesia koia ‘a hotau ngaahi fonua kaunga’apí pea mo mamaní, ‘oku ‘i ai e ‘amanaki ‘e ‘i ai e höloa ‘a e pa’anga ‘oku talafi mai pea mei he ngaahi famili mei he ‘otu mulí pea pehë foki ki he kau ngäue toli ‘Aositelelia mo Nu’usila.”
Na’e fakahä ko e patiseti ‘a e pule’angá ki he 2021 kuo’osi fokotu’u ai ha 5% ki he patiseti ngäue ‘a e potungäue kotoa pë ‘o fe’unga mo e $10 miliona.
“Ko e patiseti ko ení, ‘oku fakafelave’i ia ki hono tauhi mo hono malu’i ‘a e COVID-19, mou manatu’i ko e ngaahi potungäue kotoa pë ‘a e pule’angá ‘oku ‘i ai honau ngaahi fatongia felave’i pea mo hono malu’i koia ‘o e mo’ui e kakaí pea mo e langa haké ‘o kapau ‘e hoko mai ha faingata’a ‘i he fokoutua ko eni.”
“’Oku vahe’i ‘i he patiseti ‘a e Potungäue Mo’uí ‘a e $5 miliona ke fakahoko ‘aki ‘a e ngaahi fatongia ‘a e potungäue ki hono fakapapaui’i ‘oku mateuteu atu ki hono malu’i e kakaí pea mo tu’u mateuteu ka ‘ilonga angé ka fkava e border, ‘e ‘iai ha mahaki ‘e hü mai ki Tongá ni.”
Taimi tatau na’á ne fakama’ala’ala foki ki he polokalama tokoni ‘a e pule’angá ki he langa mo e fakaakeake faka’ekonomika na’e tali ‘i he kapinetí ‘o fe’unga mo e pa’anga ‘e $60 miliona.
“’I he $60 miliona ko ení ‘oku ‘i ai e pa’anga ‘e $11 miliona ai ko e pa’anga muli ení ‘oku ‘osi faka’ilonga’i peia ‘e he Potungäue Mo’uí ke tokoni ki he’enau ngaahi polokalama kotoa pé ki he mateuteu ange, hangé ko e ngaahi me’angäué, ako’i e kau ngäué, teuteu e ngaahi facility, ke fakapapau ‘oku malü pea mo hao ‘a Tongá ni mei he mahaki COVID. Ko e patiseti ko eni ‘o e ta’ú ni ko e pa’anga fakakatoa ‘e $589.6 miliona, ‘oku vahe’i ko e katoa ia ‘a e pa’anga ‘i he patiseti angamaheni (recurrent budget), pea mo e lao fakalakalaka ki he patiseti ‘o e pule’angá.”
“Ko hono fakaikiiki, neongo ‘oku holo eni ‘i hono fakafehoanaki ki he patiseti 2019-2020 ka ko e patiseti angamaheni ‘oku fakalahi ‘aki ia meimei ko e patiseti ‘e 2. Ko holo fakalukufua koeni ‘o e patiseti, ‘oku tu’unga ia pea mei hono toe fatu lelei ange ‘o e patiseti ‘i he Development Budget, ke fakapapaui’i koe ngaahi pa’anga ‘oku ala ma’u mai ‘i he ta’u fkpa’anga lolotongá ‘oku fakahü ki he patiseti, ke ‘oua ‘e hoko e ngaahi me’a ‘oku kei fai ha alea kiai ke ne hanga ‘o fu’u vämama’o ai taimi koia ‘oku fakalele ta’u ngäue, tä koë ‘oku ‘ikai ke ma’u mai silini koia.”
‘I he’ene fakamatalá ko e pa’anga ‘e $589.6 miliona ko ení ‘oku ‘i loto ai ‘a e pa’anga ‘e $465.8 miliona pea mo e pa’anga tokoni koloa (in-kind) ‘oku fe’unga mo e $123.8 miliona.
“I he $465.8 miliona ko ení, ‘oku ‘i ai e pa’anga tokoni ai ko e $85.7 miliona mei he ngaahi Hoa Ngäue ki he Ngaue Fakalakalaká. ‘Oku ‘i ai mo e pa’anga ‘e uangeau valuua miliona mei he pule’angá pea ko e $38 miliona leva ko e pa’anga tokoni ‘i he patiseti. Ko e $38.5 ko ení, ko e pa’anga tokoni pë ko e budget support, ‘a ia ko e ngaahi pa’anga eni ‘oku me’a’ofa mai ‘aki ‘i he ngaahi Hoa Ngäué – ko e Pangike ‘a Mamaní, ko e ADB, ko Nu’usia, ko ‘Aositelelia mo EU ‘o tokoni ki he pa’anga ngäue fakata’u ‘a e pule’anga.”
“Ko e pa’anga ‘e $20.55 miliona, ko e pa’anga ngäue ia mei he pa’anga talifaki ‘a e pule’angá pé ko e Revenue Reserve pë ko e general reserve ia ‘a e pule’angá ‘oku tatanaki mei he pa’anga hulu kotoa ‘o e budget mei he ta’u kotoa pé. ‘A ia ‘oku to’o mai ‘e pa’anga ‘e $20.55 miliona ke ne hanga ‘o fakapa’anga e ngaahi ngäue ‘a e pule’angá he ta’u ngäue koeni ka hoko maí.”
Na’e pehé ‘e Hon Lavemaaú ‘e ‘i ai mo e pa’anga pönite ‘e $20 miliona ‘e tu’uaki atu ki he ngaahi pisinisi pea ko e $19 miliona ‘oku kei talanoa kiai ‘a e pule’anga mo e IMF, ke lava ‘o nö ke ne fakapa’anga ‘a e tonounou (deficit) ko eni ‘a e pule’anga ‘i he 2021.
Na’e fakahä foki ‘e he Minisitä, ko e tonounou ko eni ‘i he tu’unga faka’ekonomika ‘a Tongá ni mei he holo koia ‘a e pa’anga ‘oku tanaki mai mei uafu ‘i he tuté mo e tukuhaú pea pehé foki ki he ngaahi pa’anga angamaheni mei he ngaahi sevesi koia ‘a e pule’angá ‘oku fakahoko.
“Ko e deficit ko eni ‘a e pule’angá ‘i he 2021, ‘oku fakafuofua ko e patiseti koeni ‘oku fe’unga mo e pa’anga ‘e $60 miliona. ‘I he’eku manatu hisitoliá, ko’ene toki a’u eni ‘a e pule’anga ki ha tu’unga ‘oku lele deficit pe koe deficit budget ki he magnitude ko eni ko e $60 miliona. Neongo ia ‘oku kei tukupä pé Potungäue Pa’angá, tenau fai honau fatongia lelei tahá mo tukuingata ‘o tokoni’i ‘a e ngaahi langa faka’ekonomika ko ení ke ‘i ai ha ake vave mai ‘a e private sector he koia foki ‘oku vave tanaki mei ai ‘etau seniti.”
