Nofo hotele a koe Palemia ka mau ‘ela atu kimautolu he ano Featured
Tohi Ki he 'Etita
Nofo hotele a koe Palemia ka mau ‘ela atu kimautolu he ano
3 Ma'asi, 2018
Tangata’eiki,
‘Oku ou kole keu fakaa’u atu mu’a ‘eku tohi ko’eni ke fakaha atu ‘eku fifili mo ‘eku ta’efiemalie ‘i he me’a homau fakafofonga pea koe Palemia ia ‘o e fonua ‘oku fakahoko kiate kimautolu.
Kimu’a ‘i he to ‘a e afaa mo e hili ‘a e afaa na’e hiki ia ‘o nofo hotele pea faka’eke’eke mai ‘e he ngaahi mitia pea ne pehe koe ‘uhinga ‘ene hiki ki he hotele he ‘oku ano honau ‘api.
Na’e ‘osi langa ‘e he Pule’anga ‘a e ‘api ke me’a ‘o nofo ai pea ‘ikai me’a ia ai pea to mai ‘a e afaa ia pea hiki ia ‘o nofo hotele.
Ko e konga lahi ‘o vahenga Kolomotu’a ‘oku nofo ‘i he ano pea ‘oku mau fe’ao mo e namu kae lolotonga ‘emau faingata’a’ia kuo me’a ia ‘o nofo hotele.
‘Amusia e Palemia ia ‘oku nofo hotele ia kamau ‘ela atu kimautolu he ano mo e namu pea kapau koe taki lelei ia ma’a e kakai pea me’a mai ke mau mamahi fakataha mo ongo’i fakataha pea ka ‘ikai pea ne totongi ‘a e kau toulekeleka ‘oku mau fokotua he ano kenau lave atu he monu mo e masani ‘oku ne ma’u ‘i he taimi faingata’a ni.
‘Oku ou tui ‘Etita kuo fe’unga hono talaki ko e Palemia ‘a e kakai he ‘oku hoko ‘a e faingata’a pea me’a ia ‘o nofo hotele kamau ‘ela atu pe mo e kainga ‘o kunima pe mo tali vai ki langi mei he loto ano ‘o e vahenga Kolomotu’a.
‘Ofa pe ‘e ongo atu ‘a e tangi mo e to’e ni pea ke fanongo mai kiai homau fakafofonga.
Faka’apa’apa Atu,
‘Eliesa Fifita
Tufuenga
Kolomotu’a
2 comments
-
Ko ia kuo nau a'u pe ki he mea na'a nau loto ki ai alu 'a Akilisi mo hono famili o nofo hotele ka nau tetee he ano mo kai ki nautolu he'e namu ee,Ko Kolomotu'a oku tokolahi ae kakai poto ke fili ki nautolu ke taki e fonua pea nau poto he fetu'utaki moe kakai oe ngaahi pule'anga muli pea te nau ongo'i e kakai,pea ko fe 'ae temkalati i he taimi oe faingata'a kata mai ki nautolu mei he momoa ka mo tetee he vai pea mahalo na'e sai pe 'a Akilisi ia ka ko homou loto pe ena ae kakai na'a nau fili ia 'oua toe hanu pea 'ofa pe Eiki ke 'oua na'a to ha mahaki ' i Tonga hano fetuku he'e namu .
-
'Oku MO'ONI ka ko e MO'ONI 'Eliesa Fifita 'a e TANGI mo e TO'E 'oku ONGO mo 'EKO mei he ATE 'o e Vahenga Kolomotu'a 'i Tongatapu 1 he 'oku TA'E-'ILO he 'oku TA'E-FIKA-MO-LAUKONGA ('o VALE he 'uhinga ko e IGNORANCE) mo TA'E-FANONGO he 'oku TA'E-TELINGA ('o TULI) mo TA'E-SIO he 'oku TA'E-MATA ('o KUI) MO MO'UI-NGALO he 'oku LOTO-NGALONGALO homou Fakafofonga mo e Palemia 'o Tonga KA E malie he kuo ONGO ki he Tu'i 'o e 'Otu Tonga 'o tupu ai hono VETEKI mo VEUKI 'a LOTO-FALEALEA (ka e 'ikai 'ilo mo poto ai 'a e kakai mo e kau taki) mo to e O'O ki he Tu'i 'o e Langi (mo mamani katoa 'o kau ai 'a Tonga) 'o tupu ai hono HOLOKI mo LAIKI 'a TU'A-FALEALEA ('o vaka mai he matangi mo e havili mo heka mai he peau mo e ngalu he lau malie 'a e Himi mo e Tohi Tapu).
'Oku fefe ke vakai na'a 'oku KAKATA, VAVAA mo FIEFIA pe 'a e kau MUIMUI KUIKUI mo FAKAPO'ULI na'a nau FILI 'a 'Akilisi Pohiva ko e Fakafofonga Falealea 'o e Vahenga Kolomotu'a 'o Tongatapu 1 (KAU KAMI versus KAU TUPUTONU) mo to e FILI 'e he kau TEMO / PTOA siokita mo takitahasioma'ana mo ta'e'ofa fonua mo e kakai ko e Palemia 'o FAKAMAVAHE kinautolu he ko 'enau fili he tu'unga honau 'atamai mo honau loto KA E 'ataa si'i kakai na'e 'ATAMAI mo nau LOTO ta'e-fili 'ia 'Akilisi Pohiva 'o mahino mai ko KINAUTOLU pe 'oku TANGI mo TO'E ko e ONGO mo O'O 'ene nofo fetoingifetongi hotele mo 'eakoni mow fale'ilo 'ana ka nau si'i nofo kinautolu he ano mo 'aungalua mo kai 'e he namu.
Malie mu'a kau TEMO mo e PTOA moe PM 'a e 'ofa he kakai mo e loto 'o e kakai mo e temokalati ko e pule'a e kakai mo e taki 'a e kakai mo e pule lelei 'a e kakai mo e taki lelei 'a e kakai tokua hono POTO'I hono LAU ka e VALE hono FAI. 'Oku ke i tolonga mo lauikuonga mai pe 'a e folofola malie mo loloto mo e langiloa tu'uloa mo lauito'utangata 'a Tupou 1 ko e Tu'i Tupou 'o e 'Otu Tonga: "'Oku 'AUHA hoku KAKAI ko e VALE!"