A'u ki he toko124 kuo ma'u 'e he Mofi Tengi 'i he ta'u ni Featured
31 Ma'asi, 2018. Kuo fakapapau'i mei he Falemahaki Vaiola kuo a'u ki he toko 124 kuo ma'u 'e he mahaki koe mofi tengi talu mei he kamata'anga 'o e ta'u ni.
'I ha fakamatala 'a e Supavaisa 'Isipekita Mo'ui ko Sela Fa'u, neongo 'a e tokolahi ange 'a kinautolu kuo ma'u 'e he tengi, kuo 'i ai 'a e holo 'iate kinautolu 'oku fakahu ange ki he ngaahi senita mo'ui mo e falemahaki.
Ko e lahi taha 'o e ngaahi keisi ko'eni 'oku lekooti 'oku hoko 'i Tongatapu, Vava'u, Ha'apai pea mo 'Eua.
Ko e ta'u si'isi'i taha kuo ma'u 'e he mahaki ni koe ki'i pepee valevale pea koe motu'a taha 'oku a'u pe ki he ta'u 70.
'I he lolotonga ni 'oku lele faka'osi'osi 'a e polokalama kemipeini 'a e Potungaue Mo'ui ki hono faka'auha 'a e nofo'anga 'o e namu pea 'oku faka'osi 'a e polokalama ko'eni 'i he uike ni.
