Ikuna ‘e Uaine Fa leta World Boxing Organisation Oriental title Featured
Uaine Fa mo e leta WBO Oriental Title
26 Sune, 2018. Kuo ikuna ‘e he matapule Tonga ko Uaine Fa kae nofo Nu’usila ‘a e leta ‘a e kautaha fuhu World Boxing Organisation Oriental title ‘aki ha’ane malohi poini ‘i he tangata Mexico ko Luis Pascual ‘i ‘Aokalani ‘i he po Falaite 22 ‘o Sune.
Ko e fuhu takai 10 ‘eni pea na’e loto taha ‘a e kau fakamaau ‘e toko 3 ke foaki a e malohi ma’a Fa.
Ko e fuhu ni na’e mei pule’i pe ‘e Fa neongo ‘a e feinga ‘a e Mexico pea na’e lahi hono fakaanga’i ‘o Fa ‘i he tui na’e totonu ke toe malie ange ‘a e fuhu ni pe tene tamate’i ‘a e Mexico.
Ko Pascual foki kuo ne ‘osi malohi tu’o 13 kae fo’i pe ‘e taha fakatatau ki hono lekooti fuhu.
‘Oku mamalie pe ‘a e kaka ‘a Fa ‘i he pauni ko’eni pea ‘oku ‘i ai ‘a e ‘amanaki lelei kiate ia ‘i he kaha’u ‘o ‘ene feinga ‘i he mala’e ni.
