Fakataputapui fekau’aki mo e ngaahi fakataha’anga fakatokolahi Featured
23 Ma’asi, 2020. Fakatatau ki he Lao ki he Mo’ui ‘a e Kakai 2008, pea makatu’unga ‘i he ngaahi ngaue ‘a e Pule’anga ‘o Tonga ke fakasi’isi’i ‘a e mafola ‘a e mahaki kolona vailasi pe koia ‘oku ‘iloa ko e COVID-19, kuo fakahoko atu ai ‘a e tu’utu’uni koeni mei he Pule’anga ke tokoni ki hono malu’i ‘a e kakai ‘o e fonua ‘o fonua ‘o fakatatau ki he Fakaha Tu’unga Fakafokifa.
KO E NGAAHI FAKATAPUTAPU LEVA ENI ‘OKU FIEMA’U KE TAUHI PAU KIAI ‘A E KAKAI ‘O E FONUA:
1. Tapu e ngaahi fakata’anga ‘i he feitu’u fakapule’anga ‘oku a’u ‘a e tokolahi ki he toko uofulu (20) ‘i fale pea toko fangofulu (40) ‘i tu’a. ‘E kau ki heni ‘a e ngaahi haofanga koeni: koniseti, sipoti, putu, fai’aho, mo e mali. ‘E kau atu ki ai mo hono tapuni ‘o e ngaahi pa (bar) moe fale hulohula pea tapui e ngaahi fai’anga faikava kotoa pe ‘i Tonga.
2. Ki he ngaahi fakataha’anga lotu, ‘oku ‘i ai ‘a e fakamalo lahi atu heni ki he kau Taki Lotu ‘i he ngaahi ngaue ‘oku lolotonga fakahoko ke holoki e lahi e ngaahi fakataha, mo tauhi ‘a e va mama’o ‘a e kainga lotu. ‘Oku ‘i ai e faka’amu ke hokohoko atu pe ‘a e ngaahi fakangatangata ko eni.
3. Fakatokanga’i ange ‘e hokohoko atu pe ‘a e ngaahi ngaue angamaheni ‘i he ngaahi feitu’u ko’eni:
a) Ngaahi Ngaue’anga
e) Ngaahi Ako’anga
f) Ngaahi falekoloa mo e maketi fakatau’anga me’akai
h) Ngaahi me’angaue (hange koe pasi) moe feitu’u ki he fefononga’aki fakatokolahi.
4. Ko e ngaahi fakataputapu ni ke kamata ‘i he taha pongipongi 1am Monite ko hono 23 Ma’asi, 2020.
5. Ko e fakataputapui ki he ngaahi pa (bar) moe fale hulohula ke kamata ‘i he taha pongipongi 1am ‘aho Pulelulu ‘o e uike kaha’u ko hono 25 ‘o Ma’asi, 2020.
