Nuku’alofa, 10 Sune 2015. Na’e me’a ‘a e Palēmia Samuela ‘Akilisi Pohiva lolotonga ‘a e feme’a’aki fekau’aki mo e Lao Fakaangaanga ki he Patiseti ‘a e fonua ‘i he Fale Alea ‘i he ‘aho ni Pulelulu 10 ‘o Sune ‘o famamafa’i ki he kakai ‘o Ha’apai kenau tu’u ki ‘olunga ‘o fai ha ngāue.

Nuku'alofa, 6 Sune 2015. Kuo kamata foki ‘eni ‘a hono tipeiti’i ‘a e patiseti ‘a e fonua ‘i he Fale Alea pea kuo fakahā mahino ‘e he ‘Eiki Minisitā Pa’anga Dr. ‘Aisake Valu Eke lolotonga hono fakamatala fakama’ala’ala ‘o e Lao Fakaangaanga ki he patiseti ‘a e hiki ‘a e patiseti ‘a e fonua ‘aki ‘a e pa’anga ‘e $12.3 miliona mei he pa’anga ‘e $483.7 miliona ‘i he ta’u fakapa’anga 2014/15 ki he pa’anga ‘e $496 miliona ki he ta’u fakapa’anga 2015/16.

'Aho 28 Me, 2015. Na'e lava lelei he pongipongi 'o e 'aho ni Tu'apulelulu ko hono 28 'o Me, 2015 'a hono Huufi 'E He'ene 'Afio Tupou IV 'a e Fale Alea 'o Tonga. Na'e faka'ilonga'i 'aki 'a e 'aho faka hisitolia ni 'a e ouau anga maheni 'o kau kiai moe laka 'a e fanau ako 'o e ngaahi kolisi 'o Tongatapu. 'Oku ha atu pe 'i heni 'a e tatau kakato 'o e to folofola 'A 'Ene 'Afio.

Nuku’alofa, 21 Mē 2015. Na’e lava kakato hono tapuni fakalotofale (Soft Closing)‘o e Fale Alea ‘o Tonga ki he ta’u Faka Faka Fale Alea 2014-2015 ‘i he pongipongi ‘o e ‘aho ni ‘aho Tu’apulelulu 21 ‘o Mē, 2015.

Nuku'alofa, 20 May, 2015. To ensure accountability, transparency and good governance for Tongan members of Parliament, a two day workshop to advance and build Tongan Parliamentarians capacity to practice anti-corruption was successfully completed last week in the capital Nuku'alofa.

Kuo tali lelei ‘e he Fale Alea ‘o Tonga ‘i he feme’aki ‘a e Fale ‘i he ho’ata Tu'apulelulu ‘aho 19 Ma’asi ‘a e Fokotu’u Tu’utu’uni na’e fakahū mai mei he Tepile ‘a e Pule’anga ke fakahoko ha noo mei he Pangikē (World Bank) ‘a Mamani makatu’unga ‘i he fiema’u ke tokateu ‘a e fonua ki mu’a pea toki hoko mai ha fakatamaki fakaenatula.