“ Malo mo to e malie lahi 'a e fakamaama Inoke Fotu Hu'akau. Toki mahino mei ho'o talanoa malie mo loloto ta 'oku fakafofonga'i 'i falealea 'e he kau nopele mo e kakai 'a e kakai tatau pe kotoa 'oku to e fakafofonga'i he malumalu 'o e pule 'a e Tu'i he'ene ngaahi maa'imoa 'aufuato ma'ae fonua. 'Ikai 'ilo pe ko e hunoa'ia ko a mei fe 'a e paati fakapolitikale? 'O hoko ia ko e fakafelefelenoa mo e fakamoveuveu hono nague'aki tavale ko e me'angaue pe ke lava mo hu ai ki falealea. 'Oku ngaue fakataha 'a e kau fakafofonga 'o e hou'eiki nopele mo e kakai 'o e fonua he founga kehekehe ma'ae lelei fakakatoa 'a e fonua mo e kakai ka e 'Ikai 'aupito ko e fehangahangai 'a e fa'ahi pule’anga mo e fa'ahi fakaanga tokua he funga 'o e valautu'u mo e longoa'anoa. 'Oku filifili lelei mo fakapotopoto 'a e kakai ki he fakatahatokoni mo e fakamaau'anga ka e 'Ikai ko e falealea. Ko e ha na'e 'Ikai fakakaukau'i lelei ai 'a e ha'a matapule, ha'a tauhifonua mo e ha'a matapule ma'utofi'a he komisoni 'o e 2010? 'Ikai ha to e mafai 'a e ngaahi kupu tupu'a mahu'inga tefito ko 'eni hono to'o ta'efakaongonoa 'e he kau 'ofisa kolo mo e kau pule fakavahe 'o tupu ai 'a e felekeu he'enau ngaue fakataha mo e kau nopele mo e hou'eiki. 'Angefange ia he hala he fakafofonga 'a e ha'a matapule ma'utofi'a 'i falealea hono tauhi honau ngaahi tofi'a mo e kakai he malumalu 'o e Tu'i ma'ae meilno mo e lelei 'a e fonua. Na'e hanga ko a ki fe 'a e sipeiti 'o e kau komisoni 'o e 2010 he ngaahi me'a vivili mo ma'uhinga ni? 'Oku 'ikai nai ko e hou'eiki mo honau kakai mo e kakai mo honau hou'eiki? Neongo 'a e mahu'inga kotoa 'eni ka e mu'aki 'a e ako, 'ilo mo e poto ka e malohi, maama, melino mo tu'uloa ha fonua. Ko e malu'anga ia ka e 'Ikai ko e 'auha'anga ha fonua he langimama'o 'a e 'Uluaki Fo'ifatapu 'o Tonga he'ene lima e fonua mo e kakai kotoa 'o ke i fungani tu'utai mo tologna mai he ngaahi kuonga! ”