“ 'Oku mo'oni lahi 'a e holo 'a e ako 'i Tonga. 'Oku mahu'inga ke mahino 'a e ngaahi 'uhinga 'oku ne fakatupu he 'oku ma'u ai 'a e ngaahi founga mo e me'a mo'oni ke fai. 'Oku lahi foki 'a e ngaahi 'uhinga mo e founga mo e me'a ke fai. 'Oku kaunga lahi kiai 'a e fakapalataha 'o e ako he ako faka'aonga (pe ako fakatekinikale) ka e fakali'eli'aki hono hoa 'a e ako faka'uhinga (pe faka'akatemika). 'Oku mahu'inga leva ke 'ovaholo 'a e ako ke tefito fakalukufua 'o e ako faka'uhinga mo e ako faka'aonga fakatouloua. 'Oku mu'omu'a ma'u pe 'a e ako ki he 'ilo (ako faka'uhinga) ka e muimui ma'u pe 'a e ako ki he poto (ako faka'aonga). 'Oku ma'u heni 'a e 'ilo mo e poto fo'ou mo mo'oni 'oku lahi ko e hala ia ke kau mo lau 'a Tonga si'i he fonua ka e lahi hono tahi he ako hotau potutahi mo mamani foki. ”