“ KO 'EKU TALI KI HE TOHI LĀUNGA MEI NU'USILA KI HE LEKOOTI AKO 'A MINISITĀ TU'I UATA...
KĀTAKI KĀINGA TONGA NU'USILA...Mole ho'o mou pa'anga he totongi 'a e private investigator ($-lau-afe?). Ko e lēkooti 'o e mata'itohi toketā 'o Min. Tevita Tu'i Uata 'oku lava pe 'o kumi ta'e totongi 'i he Google Scholar. 'Osi pulusi atu 'i he 'a e lēkooti mei he Pepperdine University, mo e Abstract 'o 'ene Doctoral Dissertation (2003), Ph.D Ed., mei he archives 'a e Google Scholar.
Neongo 'oku 'i ai 'eku tāla'a 'i he 'eku lau 'a 'ene Abstract pē na'e fa'u 'e Tu'i Uata pe 'ikai (plagiarize) 'a 'ene dissertation, ka e kehe na'e 'osi fai 'e he Pepperdine University (a Christian Church sponsored university with international campuses) 'a honau fatongia ko e sivi'i fakatatau ki he 'enau lao faka-'apiakó.
Kā 'oku ngalikehe kiate au 'a hono 'ohofi 'a e lekooti ako 'a Min. Tevita T. Uatá, ka e 'ikai fai 'a e me'a tatau ki he kau ngāue faka-pule'anga kotoá. Tokolahi 'a e kau ako 'iunivesiti Mei Nu'usila, Fisi, 'Aositlelelia kuo 'omai 'e Minisitā 'Akilisi Pōhiva 'oku nau fai 'a e ngaahi me'a faka-fulikivanu ka 'oku 'ikai kemou 'ekea honau lekooti faka-akó.
'Oku 'ikai teu femālie ki he ngaahi maumau lahi kuo fakahoko 'e he Minisitā ni. Ka 'oku 'ikai totonu 'a hono feinga ke fakatotolo'i 'a e lekooti faka-akó 'o Min. Tu'i Uatá ka e tukunoa'i 'a e kakai tatau na'a nau ako mei Nu'usila, Fisi, mo 'Aositelēlia 'oku nau fakakina 'i Pule'angá 'i he ngaahi 'ahó ni.
Kuo mou fakatotolo 'a e ako 'a Talēkita Pīveni Piukala 'oku ne fakaaoao holo 'ihe Potungāue Ako 'a Tongá? Kuo laka 'ihe $-miliona hono totongi ke fakafo'ou 'a e polokalama komipiuta "Standardized Assessment System" mo e te'eki aipē ke lava 'o fa'u ha polokalama "software" na'e palōmesi 'e PM 'Akilisi Pōhivá. Na'e 'osi tala 'e Dr. Vesisio Pongi 'e 'ikai lava 'e Pīveni mo Siaosi Pōhiva 'o fa'u ha polokalama software tatau mo e Standardize system. Na'e ako 'ifē 'a Siaosi Pōhiva 'oku tangutu 'ihe Potungāue TNQAB? Na'e ako 'ifē 'a e Media Propaganda Zsar Sefita 'ihe TBC?
Sione Ake Mokofisi, Doctoral Candidate
University of Phoenix, Arizona, USA ”