“ 'Oku mau fakamalo lahi atu 'Etita he lelei huluhulu hotau hala hono fakamaama 'etau sio ki he kaupo'uli 'oku to he fonua he ngaue 'a e Palemia Samuela 'Akilisi Pohiva mo e Pule'anga ka e tautefto ki he kau Minisita 'a ia kuo fili 'a e Sea 'o e Falealea Nopele Fakafanua ke hinga ki ai he'ene kumi tupu fakapa'anga fakapisinisi taautaha mo fakasiokita mo fakakepitaisi mo ta'e'ofa 'o heva atu mo laka hake he lelei fakapa'anga fakatokolahi fakamolale/faka'efika siokitu'a mo faka'apa'apa ki he lukufua mo e katoa 'o e fonua mo e kakai. 'Oku pehe tofu 'a e nanungna mo e nunu'a 'o e sistemi 'ikonomika mo politikale faka-Uesite 'o e kepitalisi mo temokalati fo'ou kuo hake'uta 'i Tonga 'oku tefito he mo'ui fakataautaha/fakasiokita 'a ia kuo ne 'akilotoa mo kumoa 'a e sisitemi 'ikonomika mo politikale faka-Tonga 'oku tefito he faifatongia mo e tauhiva 'oku ne fakatupu 'a e melino mo e fiefia mo e tau'ataina. 'Oku fu'u totu'a 'a e mo'ui siokita mo fta'e'ofa 'a e Sea 'o e Falealea ke po'uli 'ene mamata mo puli 'a e me'a totonu ke fai he ko e Nopele ia 'Ene 'Afio mo e fonua 'oku tukufakaholo mo kau he tukufakaholo tupu'a 'o e fonua mo e kakai. 'Oku mo'oni ai 'a e lau 'a Sofokilisi 'i Kalisi mu'a "Ko e toki mata e ka e 'ikai mamata!" ”