“ Fakamalo atu Pango'ia he langa talanoa lelei. 'Oku 'i ai 'a e hoha'a lahi he kakai 'o e fonua koe ta'efakakonisitutone mo ta'efakalao 'a e politiki fakapaati (party politics) he ko e Fale Alea pe 'e TAHA 'oku toko 26 hono kau Fakafofonga Fale Alea 'a ia ko e toko 9 'a e kau Nopele pea toko 17 'a e Kakai.
Neongo kotoa ia 'oku 'uhinga 'ene TAHA ke hanga 'e he toko 27 'o fakafofonga'i kotoa 'a e kakai 'e toko tahakilu tupu 'o Tonga kotoa. 'Oku hoko 'a e takimu'a 'a e PTOA he politiki fakapaati ke ne fakatupu 'a e felekeu 'i loto Fale Alea mo tu'a Fale Alea.
'Oku to e 'uhinga ia ke fili 'e he toko 27 ha Fakafofonga Fale Alea 'oku tuha mo taau mo fe'unga ke PM mo fili 'e he PM 'ene Kapineti (kau Minisita) 'oku tuha mo taau mo fe'unga ke nau pule mo taki he fonua ka e Fa'ahi Fakaanga 'a e toenga 'o nau ngaue fakataha ki he lelei fakalukufua 'a e fonua mo e kakai.
'Oku to e muimui mo fakatatau ki ai 'a e ngaahi paati mei mu''a ka e tautefito mai 'eni ki he Paati Tu'uloa, Paati 'a e Kau Masiva mo e Paati Tufunga Fonua 'a e Kakai 'o to e tanaki ki he feleku 'i loto Fale Alea mo tu'a Fale Alea.
Kuo hoko 'eni 'a e politiki fakapaati ta'efakakonisitutone mo ta'efakalao ko e "ngaahi misini fili" (mere voting machines) ke to 'a e kau kanititeiti 'o e ngaahi paati kuo fokotu'u ke to ki Fale Alea 'o takitaha kumi 'ene mo'ui fakataautaha he funga 'o e siokita, siome'a mo e ta'e'ofa.
'Ofa mai a kakai 'o tuku a 'a e fa'u paati na'a faifai pea liuliunga 'a e ngaahi paati 'o tokolahi ange ia he kau Fakafofonga Fale Alea 'e toko 26. 'Oku hoko 'a e Paati PTOA ke ne fa'u ai 'a e paati 'i loto Fale Alea ko e Paati Tau'ataina neongo ko e kau Fakafofonga kota 'o e Kakai mo e Paati Nopele neongo ko e Fale Alea pe 'e TAHA 'oku nau fakafofonga'i 'a e hou'eiki mo e kakai kotoa 'o Tonga kotoa. ”