“ Ko ia kotoa Masunu, ko e ki'i kakala 'oku fakataimi pe. Pea taa 'oku mahu'inga ange ;a e namu lelei mo e ongoongo lelei 'i he siliva mo e koula, ko e lau ia 'a e tohimatolu. Fakatauange ke hoko ko e ako lelei eni ki he kakai kotoa pee 'oku nau pole ki he lakanga taki ho tau ki'i fonua, manatui ko e fonua ne tuku ki langi 'oka kovi ho'o ngaue te ke kai pee hono nunu'a. Kuopau ke mou ma'u 'a e ngaahi ulungaanga fakataki, anga fakatoo ki Lalo, anga maluu, anga faka'apa'apa, angama'a, angafaitotonu, mo'ui topono 'oua 'e mo'ui holi, oua 'e manako ki he loi mo e mio'i he teke mo'ui 'afungi ai. Kapau 'oku ke 'ilo 'oku 'ikai ke ke ma'u 'a e ngaahi ulungaanga ko ia kataki fai pee ha'o ki'i ngaue 'i 'api he te ke hoko ko e tuukia'anga kiate ko e mo si'o famili pea uesia ai e fonua. Ko e fakafofonga falealea ko e fatongia mamafa kaa 'oku 'ikai ko e feinga pa'anga pee ma'au. Ko hono ngaahi monuu 'e toki tafe atu ia 'i he lelei ho'o to'o fatongia. ”