“ 'Oku 'asi foki he Kaniva e lau 'a Fe'ao Vunipola 'e liliu e konisitutone 'ae Komiti 'Akapulu 'a Tonga (TRU) ke 'otometiki pe hoko 'ae Palemia koe Palesiteni 'oe TRU. Kau eni he fo'i fakakaukau tu'ukimu'a, he koe Palesiteni 'oe ngaahi 'iunioni 'akapulu fakafonua 'oku nau entitle kihe folau mo honau ngaahi hoa ki he Rugby World Cup, nofo hotele kalasi 'uluaki, toe ma'u mo pa'anga folau kihe meihe kamata ki he 'osi 'ae fe'auhi, koe ngaahi fakamole kotoa 'e totongi 'ehe World Rugby. 'E tofanga heni 'etau PM he ngaahi fu'u 'otu monu'ia fakavalevale ko eni.
Ka kou fie 'eke kia Fe'ao Vunipola pe koe ha nai e 'uhinga 'oe fo'i liliu konisitutone ko eni, ke ma'u tokotaha ai 'ehe PM e fu'u monu'ia ko eni. Kapau te tau ki'i sio fakalelei, koe toki taha eni e PM fonu monu'ia mo'oni talu 'ene hoko ki he lakanga - ma'u e ngaue moe ngaahi konituleki 'ene fanau, ma'u atu moe ngaue moe konituleki hono ngaahi kaungame'a moe ngaahi kaungame'a 'ene fanau, fakalelei'i laukilu e fu'u feleti pule'anga ke me'a ai, toutou folau mo toho petiemi lalahi, moe ha fua. Ko e a'ua'u lelei mo'oni ia 'ae 'ata ki tu'a, pule lelei moe vahevahe taau ...... malie e. ”