“ Kuo fuoloa taimi ke ta'ofi e fakatau ma Sapate pea monomono e lao Sapate ke toe ma'opo'opo ange, he kuo ngaue'aki 'ehe kau pisinisi, tautefito ki he kau Siaina e faka'ataa ko eni ke nau pisinisi ta'emingao ai kinautolu - ava honau ngaahi falekai pea a'u pe ki he falekoloa moe fakatau kavamalohi. Kuo 'alu eni ia ke tau fakalato 'e tautolu e fiem'au $$$ 'ae kau pisinisi kae ngalo e laumalie totonu 'oe Sapate. Ta'ofi e fakatau ma moe kai falekai siaina moe inu kofi falekofi kae takitaha foki ki hono 'api 'o teuteu 'ene me'atokoni 'o takitaha ma'u mo hono famili. Koe me'a fakamamahi e fononga atu ki he lotu he pongipongi Sapate 'oku ava mai e ngaahi falekai siaina moe falekofi pea 'ikai teki mai e kakai ko eni kihe molumalu moe tapu 'oe Sapate, tokua 'oku faka'ataa kinautolu 'ehe lao ke nau maumau Sapate 'o tanaki pa'anga. Koe lao ke tauhi 'ehe tokotaha kotoa, ka 'oku 'ikai ke toe fakaavaava ha ni'iihi ia ke nau fa'ifa'iteliha.. Kuo hoko e ngaahi falema ia he efiafi Sapate koe fakataha'anga katoanga fakafiefia 'ae to'utupu 'o hange pe he fu'u 'aho ngofua. Koe taimi eni 'oku tu'uaki ai hono feinga'i ke fakasi'isi'i e puke he NCD, pea 'e tokoni lahi e takitaha 'ai 'ene fo'i manioke moe la'i lu 'i 'api ki he fakasi'isi'i e sisino moe kai e ngaahi me'akai 'oku toe lahi ai e NCD. ”