Semifainolo 'a Tonga mo 'Ingilani ki he ipu 'a mamani 'akapulu liiki Featured
19 Novema, 2017. Kuo mahino mai 'eni koe timi 'a Ingilani 'e fetaulaki mo e timi Mate Ma'a Tonga 'a Tonga 'i he semifainolo 'a e fe'auhi ki he ipu 'a mamani 'i he mala'e 'akapulu liiki.
Ko e hili 'eni hono vevela'i 'e he timi 'a 'Ingilani 'a Papua New Guinea 'i he efiafi 'o e 'aho ni 'aki ha kai 36 ki he 6 'a Papua New Guinea.
Ko e tata'o foki 'e 7 'a e timi 'a 'Ingilani ki he tata'o pe 'e 1 'a e timi 'a Papua New Guinea.
Ko e tau foki 'eni na'e fakahoko ki he Rectangler Statium 'i Melipoane pea na'e mahino pe foki 'a e lelei ange 'a e timi 'a Ingilani 'i he tapa kotoa 'o e va'inga 'o faingofua ai 'enau ikuna 'a e timi vave 'a Papua New Guinea.
'E fakahoko foki 'a e semifainolo 'a Tonga mo 'Ingilani ki he mala'e Mount Smart Stadium 'i 'Aokalani 'i he 'aho Tokonaki 25 'o Novema 'a ia koe 'aho Tokonaki ia 'o e uike kaha'u.
