“ Fakamalo lahi atu ki he ngaue mahu'inga ko eni kuo kamata'i hotau fonua, ki hono fakalakalaka mo tokoni'i e va'inga 'akapulu, kae tautefito kihe fanau tangata taleniti'ia he sipoti ni. 'Oku mahino 'aupito pe foki e ngaahi lelei 'e ma'u mei ai - ngaahi faingamalie fakafo'ituitui ki he fanau tangata ke hoko atu hono fakatupulekina honau taleniti mo ma'u ai foki hanau kaha'u lelei. 'Oku mahino foki 'oku taketi e polokalama ko eni ki he fanau tangata ta'u 15, 'aia koe 'uhinga pe ki he fanau ako.
Koe fehu'i leva, pea 'oku fiema'u ke fakamahino mai 'ehe kautaha ko eni pe koe agent:
1. Koe ha e fekau'aki 'ae academy moe ngaahi polokalama ako 'ae fanau? 'E hange nai eni koe ngaahi academy 'i muli ke 'iai e fiema'u makehe ke a'usia 'ehe fanau ha fa'ahinga tu'unga he'enau ako koe'uhi ke 'oua 'e li'aki e ako 'ae fanau, kae 'iai pe hanau paletu'a.
2. Koe academy ko eni 'e full-time? 'Uhinga eni pe 'e langa ha senita makehe ke fakalele ai e ngaahi polokalama full time pe 'e fakalele part time pe he tuku 'ae ako moe ngaahi taimi 'ataa e tamaiki?
3. 'E 'uhinga nai eni te nau fakamaketi'i 'e nautolu e tamaiki lelei mo taleniti'ia he 'akapulu ki tu'apule'anga kae fefe si'i timi fakafonua ia 'a Tonga ni? Mo'oni pe 'oku mahu'inga e faingamalie fakafo'ituitui e tamaiki mo honau kaha'u, ka e fefe e kaha'u e 'akapulu 'i Tonga? Te tau teuteu'i pe 'e tautolu 'etau fanau lelei 'o fakamaketi ki muli ke si'i to lalo ai pe sipoti ni ia he fakalotofonua?
Kataki mu'a kae fai mai ha fakamaama ki he anga e ngaue 'ae academy ko eni. ”