“ 'Oku 'oatu heni 'ae fakamalo lahi 'aupito ki he kau tangata moe kau fefine sipoti kuo nau lototo'a ke nau fakafofonga'i hotau ki'i fonua masiva mo vaivai he sipoti lahi taha 'i mamani. Fakamalo atu kia Pita Taufatofua he'ene faka'ilonga'i a Tonga he fu'u katoanga 'iloa ko eni, pea kuo tau fiefia kotoa ai pe he ma'ave'ave e hingoa 'o Tonga ke kolope, pea mo'oni e lau 'a Salote Sififa, tonu ke 'ave kotoa e patiseti fakamaketi 'ae Takimamata ma'a Pita he 'oku lahi ange fo'i fakamaketi'i ko eni 'e Pita 'a Tonga he katoa e ngaahi fakamaketi 'ae Potungaue Takimamata he ta'u 'e 10 kuo maliu atu. Fakamalo atu kia Caroline Tatafu mo 'ene ongo matu'a he 'ave e fo'i piliote kihe fa'ahinga sipoti koia 'oku fu'u fo'ou ki Tonga ni, pea koe me'a ki mui e metali ia, ka koe 'asi 'ae kulokula moe Lupe moe Lou 'Olive he mala'e 'oku tau polepole kotoa ai. Fakamalo atu kia 'Amini he tokanga'i mai e tafa'aki siu kakau, pea koe ola ko ena he'ene fe'auhi kuo 'osi fu'u hulu 'anoa ia ki Tonga. Pea moe kotoa e kau sipoti, mou fe'auhi fiefia pea koe ola koe me'a ia ki mui he koe lelei taha ena 'i mamani 'oku mou fe'auhi.
'Ofa atu kia Lord Vaea moe kotoa a kau officials moe kau poupou ki he Timi Tonga. Ka tau tali ange ki he teuteu ko eni ki he Pacific Games pe 'e tuku 'afee hono fakapolitiki'i e ngaue koia kae fai a mo kamata. ”