Fokotu’u pāloti ke fakamalōlō’i ‘a e Palēmia ^Featured

Tuesday, 14 February 2017 11:19
7 comments

Lord Ma'afu mo e Palemia 'Akilisi Pohiva

14 Fepulei, 2017. Kuo tufa atu ki he Houʻeiki Memipa ʻo e Fale Alea ʻi he ʻahó ni ʻa e Fanongonongo ki ha Paloti ke Fakamaloloo’i ‘a e Palemia, Fokotu’u ki ha Paloti ke Fakamaloloo’i ‘a e Palemia kae pehe ki he ngaahi tohi ngaue poupou, ʻi hono fakangofua ʻe he ʻEiki Sea ʻo e Fale Alea, Lord Tuʻivakano.

Ko e kakato ia ʻa e ngaue ʻa e Komiti Tuʻumaʻu ki he Ngaahi Totonu ʻa e Fale Alea ki hono vakaiʻi ʻo e fokotuʻú ni ke fakapapauʻi ʻoku faipau ki he Ngaahi Tu’utu’uni ‘o e Ngaahi Fakataha ‘a e Fale Alea ‘o Tonga.

Kuo tuʻutuʻuni ʻe he ʻEiki Sea ʻe fakaʻasenita ʻa e kaveinga ni ki he Fale Alea ʻa e ‘i he ‘aho Monite 20 ‘o Fepueli 2017. Kuo pau ke fai hono paloti’i ‘o e fokotu’u ni ‘i loto ‘i he ‘aho ngaue ‘e 5 mei he ‘aho na’e ‘uluaki tepile’i ai ‘i he Fale Alea. Ko ia ai, kuo pau ke fai ‘a e paloti ‘o e fokotu’u ni kimu’a ‘i he faka’osinga ‘o e ‘aho Monite 27 ‘o Fepueli 2017.

ʻE toki tuku atu pē ʻa e ngaahi fakaikiiki fekauʻaki mo e Houʻeiki Memipa naʻa nau fakahū mai ʻa e fokotuʻú ni ʻi he taimi ʻe lau ai ʻa e fokotuʻú ʻi Fale Alea ʻi he ʻaho Monite 20 Fepueli 2017.

- Fale Alea 'o Tonga