“ 'Oku lahi pe ngaahi tonounou 'a 'Akilisi Pohiva 'o hange pe koe tonounou 'a e kau taki 'o Tonga ni kimu'a pea mo e kau taki he ngaahi fonua lalahi 'o mamani foki. Ka 'oku 'iai 'a e ki'i me'a ia 'oku ou kei tui 'oku lelei taha ai pe 'a Akilisi he kau tangata ki mu'a 'o anga pehe ni:
1. koe tupu fk'ekonomika lelei taha kuo a'usia 'e he Puleanga ni 'oku ma'u ia he tami ko eni 'o Akilisi. Pea 'oku 'asi mai leva ai 'a e me'a na'e tokanga lahi kiai he te'eki ai ke Palemia -ke fakapotopoto'i e ki'i seniti 'a e Pule'anga. 'Oku pau 'aupito 'ene ngaue'aki e pa'anga 'a e puleanga ki he lelei fakalukufua 'a e fonua. 'Aia, ko e tafaaki fakapa'anga 'oku lelei taha ai 'a Akilisi he toenga 'o e kau sulu kimu'a. 'Oku 'ikai pe mole ha toe taimi ia 'o Akilisi he fakakaukau'i ke fa'o hono kato, pe fai ha tila kiha'ane lelei fakafoituitui. 'Oku ou tui pe 'oku mou lava lelei pe 'o fakahoa e tangata ni mo e kau tama kimu'a he tafa'aki ko eni.
2. Ko e transparency. 'Oku 'ikai ha me'a ia 'e toe fakapulipuli he loto'i pule'anga ka 'oku tuku mai kitu'a 'o me'a kiai e kakai 'o e fonua, Pea neongo 'oku lahi ai e longoa'a ka 'oku tuku mai pe e ngaahi fakamatala mei he pule'anga he taimi kotoa.
3. Ko e commitment mo e tukupa ki he me'a ko e lelei fakalukufua. 'Oku ou tui 'oku toe makehe atu pe 'a Akilisi 'iha toe taha ke ngaahi puleanga kimu'a. Pea kapau 'oku 'iai ha tonounou ka 'oku tau sio kotoa pe 'oku 'ikai toe tuku ha ivi he tukupa ngaue 'a e tangata ni.
'Oku lahi pe mo e ngaahi lelei kehe pea toe lahi pe foki mo e ngaahi tonounou he fua fatongia 'a e tangata ni ka 'oku ou pehe ko e lelei taha eni 'ihe me'a ko e malu 'a e seniti 'a e Pule'anga. ”