'Ofa kemou ma'u ha Kilisimasi fiefia mo mohu Tapuekina Featured
‘Oku lau houa pe pea tau tu’uta ‘i he ‘aho na’e alo’i ai 'a e Pilinisi ‘o e melino pea koe taha’i ‘aho fakafiefia ia kiate kitautolu kotoa.
‘Oku kātoanga’i ‘i mamani katoa pea koe ‘aho ia ‘oku ‘ikai puli hono ngaahi ouau mo hono fakamanatu pe ki hono ngaahi fakafiefia.
'Oku kau fakataha 'a e ngaahi famili mo honau ngaahi 'ofa'anga 'o a'u ki he fefolau'aki ke fai 'a e fakataha mo e fiefia 'i hono faka'ilonga'i 'o e 'aho ni mo hono mahu'inga.
‘Oku fie kau fakataha atu ‘a e ki’i kautaha ongoongo ni he fiefia fakataha mo e Tonga kotoa ‘oku ‘i Tonga ni mo e tapa kotoa ‘o e kolope pehe ki he kakai kotoa ‘oku nau mahu’inga’ia hono fakamanatu ‘o e ‘aho Kilisimasi.
Ko e popoaki ia kiate kimoutolu kotoa kuo mou loto ma’ulalo ke mou afea ‘a e ongoongo ‘a e ki’i paenga ni he ngaluope pehe ki he ngaai kautaha mo e ngaahi kupu kotoa na'a tau fengaue'aki mai he ta'u ni “‘Ofa ke mou ma’u Kilisimasi Fiefia mo mo mohu tapuekina.”
‘Ofa Atu & Hufaki,
Timi ‘a e Nepituno Tonga Online News
