Vela ‘i loto Nuku’alofa ‘i he pongipongi ‘o e ‘aho ni Featured
12 ‘Aokosi, 2017. Na'e vela ha falenofo’anga ‘i loto Nuku’alofa ‘i he pongipongi ‘o e aho ni lolotonga ia ‘oku mo’umo’ua ‘a e loto kolo hange koia ‘oku anga maheni aki 'i he pongipongi ‘aho Tokonaki kotoa.
Ko e falenofo’anga ko’eni ‘oku kau ia he ngaahi fale motu’a ‘o Nuku’alofa pea ‘oku tu’u he hala One Way ‘o fehangahangai mo e Senita ‘o e Kolisi Kuini Salote ‘a ia ‘oku ‘ofisi ai ‘a e Potungaue Tukuhau.
Ko e fale papa foki ‘eni pea ‘oku ‘ikai ke sola ‘a e kakai kotoa kuo nau fononga atu he hala One Way ki he fale ko'eni he ‘oku tu’u pe ‘i he ve’ehala kauhala hema 'i he fou faka-Tokelau.
‘Oku kei fakahoko ‘a e ngaue ‘a e kau Polisi mo e Potungaue Tamate Afi ke fakapapau’i ‘a e tupu’anga ‘o e vela ko’eni.
