Maumau lahi 'a e Minisita na'e 'ikai fili 'e he kakai 'i he fonua ^Featured

Tangataéiki,

Óku í ai éku kií tokanga atu ki he ngaahi ngaue óku fakahoko é he Minisita ko 'ena na'e fili é he Palemia ka 'oku 'ikai koe kakai.

Tau 'ai mahino pe ko 'eku 'uhInga atu ki he motu'a ko'ena ko  Tu'i Uata pea ko éku hohaá he óku mahino mai óku íkai haáne ngaue é lava pe í ai hano ola lelei ka koe ola kovi pe tapu ange mo ia mo e fakatupu maumau 'i he fonua.

Óku lolotonga lele foki éne ngaahi poloseki (project) heéne potungaue pea óku ou manvasií ki ai naá hange ko éne ngaahi ngaue ki muá atu 'a ia kuo hoko koe fakamo'oni 'i he fonua.

Tau foki muá ki ai. Ko e kautaha vaka 'ena na'e fakalele é he 'ene tangata'eiki 'Uliti na'e lele lelei pe. Ko'ene hu mai pe á e ki'i Dr. koe vakauku ia á e kauataha pea 'oku lolotonga hopo 'i he Fakamaau'anga fekau'aki mo 'ene ngaahi ngaue maumaulao 'oku tukuaki'i kiai fekau'aki mo e pisinisi ko'eni.

Na'a ne tataki pea na'a ne  óho mo e kií kulupu mo e kií finemotuá ó teke e kautaha á e kau pisinisi Tonga ke nau faáo e ngaahi lakanga ó e Chamber of Commerce , kae malie ne tuúmaú á e kau toá ó e áho koi a ó íkai ke ola.

Nau tafoki hake ke fakafekiki ki he ngaahi pisinisi Siaina pea tau ílo pe meá ne hoko, mate pisinisi á e kií finemotuá Tonga pea pulua ai pe mo e kautaha á e kau pisinisi Tonga ne taki ai 'a e ki'i  Dr ni.

Hoko mai ki he kautaha á e kau ngoue fakamomofi atu mo ia íkai ha ola pea 'oku malie 'ene ngaahi malanga tokua 'oku fiema'u ke hakeaki'i e masiva kane fai 'e ia hono fehangahangai.

Ko 'eni kuo heka 'i he sea 'i he Pule'anga  ó vaínga áki e ivi 'o e Tonga pea ko'ene polokalama fakatau meákai mei he kau ngoue ó uta ki muli koe fakafaítoka pe.

Faka'alinga lelei e sio mei tuá pehe óku ola lelei, kae pala mo e maumau íkai ola e ngaue ko eni. Maú e seniti 'a e motuá ngoue kae fua e kanongatamaki é he tukuhau á e kakai pea iku ki he ola kovi fakalukufua ki he fonua.

Ko 'ena kuo fokotuú sosaieti, 'oku ou tala atu é ikai te ne lavaí e ngaahi falekoloa Siaina. 'Oku mahino mei heni 'a e íkai ke ne mahinoí 'a e ngaahi tokateline ó e pisinisi mo e maketi pea é 'ikai tene lava'i e ngaahi pisinisi siaina he 'oku hala 'a e taumu'a mo e 'asenita 'oku 'alu atu moia pea koe lesoni koia na'e 'osi situ'a mei ai 'a Tonga ni he kuo 'olo kuonga.

'Oku taumu'a faka-kemipeini 'ene me'a kotoa ke takihala'i e kakai tokua 'oku 'ofa tokua ki he masiva ka koe koto loi kotoa mo ta'e mo'oni.

Tukukehe ange 'a e ngaahi me'a 'oku ou lave kiai 'i 'olunga mo e ngaahi pango mo e maumau kehe 'a e MInisita ni ka koe Minisita 'eni 'oku feinga ke veteki 'a hotau tukufakaholo mo fe'inga'i 'a hono kau muimui kenau lea kovi ki he Tu'i mo e Hou'eiki mo ha taha pe 'oku 'ikai tui ki he'ene ngaahi fakakaukau fakatupu maumau.

Kuo ne 'osi fakaha 'i he mitia faka-sosiale ke fili 'e he kakai 'a e Tu'i kae ngalo ia ai na'e 'ikai fili ia 'e he kakai.

Ko e tangata 'eni 'oku maumau lahi taha ai 'a e Pule'anga mo e fonua 'i he ngaahi 'aho ni pea ka 'ikai fai leva ha ngaue kiai 'e toe fakailifu ange 'ene maumau.

'Oku mo'oni moóni e folofola á Tupou VI “HALA HA VISONE”.

Faka'apa'apa Atu,

Hala Taufa

Nuku'alofa