Tukuange ‘e he Fakamaau’anga ‘a Lord Tu’ivakano mei hono tauhi fakalao ^Featured

‘Oku mahino mai foki ko hono tukuaki’i ‘eni ‘o e Nopele ni ki he ngaahi maumaulao fekau’aki mo e paasipooti pehe ki he fe’ave’aki ‘a e pa’anga ‘uli ‘o fakatatau ki he lao ‘o e fonua.

Na’e tukuange ‘e he Fakamaau Polisi ko Mana Kaufusi ‘a e Lord Tu’ivakano ‘i he pongipongi ‘aneafi pea ke malu’i fakataha mo hono tufa ai pe ‘a e tikite ‘e 11 ‘a ia ‘oku tukuaki’i kiate ia.

Na’e hoha’a lahi ‘a e Fakfofonga Lao ‘a Lord Tuivakano William Clive Edwards ki he founga na’e fakahoko ‘aki hono puke ‘o Lord Tu’ivakano pea kau ai mo ‘ene ta’efiemalie ki hono ‘ohake ‘e he tafa’aki ‘a e Talataaki ‘a e ngaahi me’a nautula faka-fakamo’oni (evidence) m e ngaahi koloa na;e puke mei he 'api 'o Lord Tu'ivakano lolotonga ia ‘oku te’eki ke ma’u ha faka’ilo ‘o Lord Tu’ivakano.

Na’e ‘ohake ‘e William Clive Edwards ‘i he’ene fakamalanga ‘oku ‘ikai totonu ke ‘ohake ‘a e ngaahi kaveinga fekau’aki mo e fakamo’oni he ‘oku ‘ave ia ‘i he papulika lolotonga ia ‘oku te’eki fakahoko ‘a e fakatonutonu.

Na’e toloi ai pe ‘e he Fakamaau’anga Polisi ke toe ha ‘a e ongo tafa’aki ‘i he Fakamaau’anga Polisi ‘i he ‘aho 26 ‘o Ma’asi pea na’e kole ‘e he Talatalaki ke tukuange mo’o kinautolu ha mahina 'e ua pe lahi hake ke teuteu mai ai ‘enau ngaahi pepa mo ‘enau ngaahi fakamo’oni.

Na’e vahe’i foki ‘e he Pule’anga ‘a e pa’anga ‘e laukilu lahi ki ha kulupu makehe 'i he Potingaue Polisi ki hono fakahoko’aki hono fakatotolo’i ‘o e paasipooti pea koe hili ‘eni ‘a e ta’u nai ‘e 3 ki he 4 ko hono toki fakahoko ‘eni ha faka’ilo.

Na’e fakamalo’ia ‘e he Komisiona Polisi ‘a e ngaue ‘a e Kulupu fakatotolo ko’eni pea kuo fakahoko ‘a e faka’ilo.

Kaikehe, ‘oku tonuhia foki ‘a e tokotaha kotoa ‘o fakatatau ki he tu’utu’uni ‘a e lao pea ‘e toki fakahalaia’i ia ‘i ha tu’utu’uni ‘a e Fakamaau’anga ‘okapau ‘oku malava ke fakamo’oni’i ‘oku halaia.