“ Talu e kaka 'a Lavu mo 'etau kole ke hifo aa na'a si'i to ka e polepole pe he ko e tangata maheni kaka tokua ne pole'i leva 'e Mateni te ne lakasim 'a Lavu he 'oku kei si'i pea iviivi'ia tokua pea kuo 'uluaki mamate ia pea kuo ne to 'o 'uluaki PAHUU. Ko eni ko si'i Lavu eni kuo ne a'u ki he tumutumu 'ene kaka pea kuo si'i lilika pea kuo mamate hono lulu 'e he Fakamaau Lahi e me'a ne kaka ai pea ko hono iku'anga foki 'ene fu'u kaka ma'olunga pehee ko 'ene to ma'olunga mo e fu'u PAHUU le'olahi 'aupito pea toe TA'ELELESONI.
Kuo taimi ke fai hano imbeach e Minisita Ako he kuo fu'u e'a 'ene vale kua he ola 'o e sivi form 5,6&7 'o e 2015. Ko e ha koaa e me'a 'a Siaosi Pohiva 'oku kei fai he va'a silapa mo va'a sivi ? Kei kuki pe maaka ? Ne tau fanongo ki he pole 'a 'Akilisi he Falealea ki he kau poto ke nau o ange ke ne fakahinohino'i. Kuo hola 'a 'alelo 'o toi kae utua mai 'a vale kukua. Ko e ha 'ene me'a 'oku 'ilo ki he assessment ? Na'e ngata pe 'ene ako faiako he B.ed mo e me'a fakafailautohi pule'anga ka kuo hange ia kuo ne 'ilo kotoa 'e ia 'a mamani katoa.
Tau feinga'i ke imbeach he kuo ne pa'usi'i e falala 'a e kakai pea kuo 'ikai fe'unga 'ene fakahoko fatongia he Potungaue Ako. 'Oku ai e talanoa 'oku sasala te ne fakahu 'a Folau Kioa ke CEO he ko e kau poupou ia e fo'i valekua kuo fai 'e minisita Ako. 'Oku tonu ke fei mo 'asi mai a Soane Vahe, 'Aisake Vaisima, Savelio 'Atuekaho, Paula Fonua, Feleti 'Atiola, Folau Kioa MO E KAU TAKI AKO ne nau poupou'i e raw marks 'o fei mo lea ki he kau tauhi fanau ne tupu e kovi e ola kuo ma'u 'e he sivi ho'omou ngaahi ako ko ho'omou tui pea poupou ki he fo'i valekua 'a e 'EIKI MINI STAR. Ne lahi ho'omou toutou dinner pea afe ai homou loto ke lavaki'i e fonua.
Fei mo li e ki'i founga ko ena ki tu'a fakataha mo Lavulavu kae 'omai 'a Dr. Visesio Pongi pe ko Dr. Fasi ke fei mo fai ha me'a he kuo tau fakaofi kitautolu ki he takele 'o e luo hono tataki kitautolu 'e Siaosi Pohiva mo Piveni. Na malolo a he kuo ma'u e kilu ia.
Minisita Ako 'oku 'ikai ke toe oli ha'o me'a 'au 'e toe fai ki he ako. ”